ZOEN 16th August 2025 : Chawngtlai Tomato Grower’s Association SEcretary Pu R Biakhmingliana sawi danin kumin May atanga July thla chhung khan tomato 976.81 qtls an hralh a, tomato hi grade hnihah then niin, Grade A – quintal 864 leh Grade B – quintal 112 hralh chhuah a ni a, tomato hralhna atang hian cheng nuai 42 chuang an la lut tawh a, Kumina tomato an hralhna rate hi a hniam lai berin kg khat Rs. 40/- niin a san lai berin Rs. 80/- a ni.
Tun dinhmunah Chawngtlai khuaa tomato ching chhungkaw zingah hian Chawngtlai Tomato Grower’s Association-a tel hi chhungkaw 103 an awm mek a, kumin kum tir lama tomato an chinte hralh tur la awm bawk mah se, kum tawp lama thar tur an phun chho leh mek a ni.
Chawngtlai khua hian nikum 2024 chhung khan tomato quintal 4672 an thar a, an tomato thar atang hian cheng nuai 57 zet an la lut a. Kumin 2025 chhung hian an tomato te tha taka an thar thei a ni chuan cheng nuai 80 man vel thar chhuah theih an inbeisei a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni