ZOEN 16th August 2025 : Home, UD&PA leh DP&AR Minister Pu K. Sapdanga chuan ATL Road siam that nana sawrkarin sum a dah hmangin hna thawh theih a nih veleh tha taka thawk turin PWD hotute chu a chah.
Nimin khan Home Minister Pu K. Sapdanga leh Lunglei sawrkar department hrang hrang hotute DC Conference Hall-ah inkawmhona an nei a, he hunah hian Minister chuan Lunglei khawpui tui lakna tihchangtlunna tura AMRUT 2.0 leh SASCI kal tlanga hma lakna pawh tha taka thawh zawh thuai a beisei thu a sawi . Sawrkar hna thawk ruihtheihthil vang emaw, hrisel lohna vang emawa chhawr tlak loh awm chungchangah sawrkarin khauh taka hma lak zel a tum tih sawiin, pension pangngai emaw, special retirement scheme emaw hmanga chawlhtir an nih theih nan department hotute’n khauh taka hma la zel turin a chah a. Home Department hnuaiah ruihhlo vanga buaina tiziaawm turin September thla atangin ramri atanga ruihhlo lo lut tiping tura beihpui thlak tum a ni a ti a, ruihhlo ngaite leh zuarte en zui kawngah pawh khauh zawka hma lak tum a ni a ti.
Home Minister hian District Sainik Welfare & Resettlement Office pawh tlawhin, DSW&RO Maj. Rebecca L. Chhakchhuak leh thawktute leh ex-servicemen te’n an lo dawngsawng a. DSW&RO chuan District Zila Sainik Board hnuaia sipai bangte hamthatna atana hma lakna hrang hrang report pein, mamawh hrang hrangte Minister hnenah hian an lo thlen. UD&PA Minister Pu K. Sapdanga hian Lunglei Chanmari-a District UD&PA building chu tlawhin, a dinhmun a enfiah bawk a. DUDO Pi Lalhruaitluangi leh thawktute’n lo dawngsawngin, office mamawh hrang hrangte leh Lunglei khawpui tana hma lakna tur pawimawh hrang hrangte an lo thlen a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni