ZOEN 15th August 2025 : India Independence Day vawi 79-na chu Thuamluaia Mualah ropui tak a lawm a ni a, Home Minister Pu K. Sapdanga chuan hnampuanzar pawtparhin Parade Contingent te chibai a chhanglet. Lunglei mipui hnenah duhsakna chibai a hlan a, Myanmar, Bangladesh leh Manipur-a kan unaute ram buai avanga harsatna tawk te chhawmdawl turin Sorkar in hma a la zel dawn tih a thusawi hmalamah a tarlang.
Pu K Sapdanga, Khuallian hian Mizoram sawrkar flagship programme, Bana Kaih (Handholding) Scheme chu a thawh khatna (Phase 1) hlawhtling taka kalpui a ni ta tih sawiin Sorkar chuan sawhthing quintal nuai 3.47 chuang lei nan Rs vbc 142 chuang a seng tawh a ti a, Lunglei District-ah pawh quintal 27,466.15 lei niin, support price-ah cheng nuai 987.96 vel a kal dawn a ti. CM Special Package hnuaia tanpui tur mi 2,257 leh loan hmanga bana kaih tur mi 646 thlan fel tawh niin, Lunglei District-ah hian CM Special Package 2 hnuaiah progress partner 362 leh loan component-ah 48 an awm a. he scheme tihlawhtlingtu leh chhawr tangkaitu nih i tum ang u, a ti.
Lunglei District vanneihna chu, High Powered Committee (HPC) leh Lunglei Municipal Council (LMC) a ni tih sawiin Swachh Survekshan 2024-25-ah Lunglei chu ‘Promising Swachh Shehar of Mizoram’-ah thlan a nih thu te, PM-KISAN 20th Installment ah Lunglei District-a kut hna thawktu 15,730-in he installment (Rs 2,000) hi an dawng a ti. Mipui te ten Mizoram Universal Health Care Scheme (MUHCS) leh H&FW Deptt hnuaiah health prog. hrang hrang kalpui reng a nih thu leh April 2024 – June 2025 inkar chhungin PHC 7: Haulawng,Chhipphir , Pangzawl , Lungsen,Buarpui , Cherhlun PHC leh Hrangchalkawn UPHC te chu damdawi in tha [National Quality Assurance Standards (NQAS) qualified facility]-ah leh Civil Hospital Lunglei chu NQAS bakah, MusQan (naupang lam enkawlna tha bik) leh LaQshya (nau neihna hmun tha bik)-ah puan a nih thu leh Sawrkarin Ruang Phurh Scheme a kalpui chu Lunglei District-a chhungkaw 53-in an chhawr tawh a ti.
Lunglei District-ah chhunchaw dawng zirlai 20,625 an awm thu leh Tlabung leh Lungsenah Kasturba Gandhi Balika Vidyalaya (KGBV) din niin, khaw 8-ah Residential Special Training Centre kalpui a ni a. Kum 2024-25 chhungin vohbik zirlai 592 hnenah hmanrua leh suma tanpuina pek niin Lunglei District-ah tar pension la mi 4,965; hmeithai pension la mi 371 leh rualbanlo/ vohbik pension la mi 139 awmin, family benefit scheme dawng chhungkaw 40 an awm tih a sawi. AAY 2,882 (member 6,485); PHH 24,115 (member 89,897); MSSRP 1,228 (member 4,060); Non-NFSA 13,490 (member 49,700) leh NER Card 17 (member 58) a awm mek a,a mamawh leh dawng tur ngeite’n ration an dawn theih nan sawrkar chuan ration card then thianghlim hna a thawk mek zel tih a sawi.
Lunglei District-ah Employment Exchange-ah hna zawng lai mi 3,090 an inziak lut mek a. Mizoram Building and Other Construction Welfare Act 2008 hnuaiah inziak lut 2,851 an awm a. Cooperation Deptt hnuaia inziak lut pawl, primary level Cooperative Society 242 leh secondary (district) level CS 2 an awm a ti.AMRUT 2.0 hnuaiah Greater Lunglei Water Supply Scheme (GLWSS) tihchangtlun hna cheng nuai 997.78 senga thawh mek a nih bakah, GLWSS tihchangtlunna turin SASCI hnuaiah cheng vaibelchhe 55.70 sengin hma lak mek a ni a, Tlawng leh Pialthleng infinna bula tui hna khawlna tur Impounding Dam (Tuikhuah lian) sak mek chu nakkum thalah hman tangkai hman beisei a ni tih a sawi.
Directorate of Geology & Mining enpuina hnuaiah March ni 17, 2025 khan Mizorama lungalhthei (coal) dap chhuak tura hma lakna hmasa ber chu Rotlang West khuaah tanin, lei verh hna hi thawh zawh tep niin, a hlawhtlin a beiseiawm hle tih a sawi.
Kum 2024-2025 chhungin District Police te’n cheng nuai 90 chuang hu leh Excise & Narcotics te’n cheng nuai 90 chuang hu bawk zu leh ruihhlo chi hrang hrang an man a,2nd Bn MAP, Excise & Narcotics, Assam Rifles leh BSF te pawh District chhung himna leh ralmuanna te, sual chi hrang hrang dona leh venna kawngah te an thawh hlawk hle a ti.August 2024 – July 2025 inkar chhungin Lungleia sawrkar department hrang hrangte’n District Treasury kal tlangin State Consolidated Fund-ah sum cheng vaibelchhe 1,110.80 an chhung lut tawh tih a tarlang a, DC Office in Healthy Lunglei Dist, I kawtkaiah Sorkar, Project Leap,Project Bloom leh English Literacy Prog.tha takin a kalpui tih a tarlang.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni