ZOEN 10th August 2025 : Dr Lalmalsawma Nghaka MPCC Treasurer chuan sorkarin Mipui ip atanga cheng nuai 2300 a dawn kawng siamna tur chhiah a lak luih tawh hnuah, tui let hnua Mizoram kawngpui chhiat ber hun Mizoramin a tawng mek chu vanduaithlak a tih thu a sawi.
Dr. Lalmalsawma Nghaka chuan nimina Sihphir leh Lungdai inkar kawngpui chhia a tlawhnaah he thu hi sawiin, tun ṭhal chhungin Sihphir leh Lungdai inkar kawngpui chhia chu siam thar vek ni mahsela, thla reilote lek hnuah tlan ngaihna awm lo khawpin a chhe leh hman ani a ti a, kum 15 daih kawng an siam dawn tia mipui hmaa intiamtute sawrkarna hnuaiah khawpui chhung kawng a ni emaw, khaw kar kawng, a khawimah fur khat daih an awm ta mang lo chu vanduaithlak a tih thu a sawi bawk a ni.
Dr. Lalmalsawma Nghaka chuan Sawrkar chu an mawhphurhna, a fawng vuantu an ni tih inhai tawh lovin, NHIDCL, BRO, leh Contractor te mawhpuh tum zel tawh lo se a duhawm hle a ni, a ti.
MPCC Treasurer chuan nikum September thla aṭangin sorkarin mipui ip atangin kawng siamna tur chhiah (cess),tih luihna in an la tih sawiin tunah hian kawng siam nan tuialhthei chhiah a lak tling khawm chu nuai 2300 dawn a ni tawh tiin, kawngpui siamna atana lak tur ti siin vawiina Mizoram kawngpui dinhmun chu a chhe hle a ni a ti bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni