Tourism Department bultuma thawnthu sawi hmanga inelna ah Serchhip District in pakhatna lawmman an la

ZOEN 10th August 2025 : Tourism Department bultuma Mizoram district hrang hranga June thla atanga lo kalpui tawh, thawnthu sawi hmanga inelna ‘Narrating Mizoram: A Tales of Our Land – Storytelling Competition’ chu nizan khan a hmawrbawkna chu Ignite Studio, Khatlaah neih a ni.
‘Narrating Mizoram: A Tales of Our Land – Storytelling Competition’ hmawrbawkna ah hian Aizawl District atangin Grace Lalrinpari leh PC Lalruatdika; Lunglei District atangin Zorinmawii Ralte; Siaha District atangin Zine P fachhai; Champhai District atangin K.Lalvenpuii leh Vanlallawmkima Gangte; Kolasib District atangin Josia Lalruatfela; Serchhip District atangin Lalruattluanga leh Lalthanzami Chhangte; Mamit District atangin Rodinsanga; Hnahthial District atangin Dr. K.Lalzuimawia; Saitual District atangin Deborah Lalnghakmawii leh Esther Lalmalsawmi; Khawzawl District atangin Pu H.Lalngurliana leh R.Lalhlimmawii-te an tel a ni.
Lawmman 1-na chu Serchhip District-in lain lawmpuina thuziak leh pawisa fai Rs.50 000/- an dawng a, 2-na chu Saitual District niin Rs. 30,000/- an dawng a, 3-na lawmman chu Khawzawl District-in lain Cheng Rs. 20,000/- an dawng a ni.