Mizoram Governor General (Dr) Vijay Kumar Singh chuan Lunglei a tlawh. NGO te nen inkawmhona hun nei

ZOEN 8th August 2025 : Mizoram Governor General (Dr) Vijay Kumar Singh, PVSM, AVSM, YSM (Retd) chu vawiin chawhma khan Lunglei rawn thlengin Convention Centre ah Department Head te nen an in kawm. Hemi hnu hian 20 Assam Rifle camp a tlawh a, hun reivaklo hun a hman hnu in Circuit House ah Kohhran hruaitu, YMA,MSU,MZP leh MHIP ten hmu in hun rei lo te inkawmhona an nei
YMA Sub.Hqtrs,Lunglei hruaitu te hian Civil Hospital Lungleia MRI dah anih theih nan hmalak sak turin an ngen a, Governor hian lo bawhzui a tum tih a sawi. MSU leh MZP hian Mizoram Politechnic Lunglei in harsatna a tawh mek chungchang chinfen pui turin ngenna an thlen. MZP hian State University Lunglei a awm theih nan hmalak pui turin leh ATL Road siam that dan tur chungchanga harsatna awm chinfel turin leh Bualte dai a leimin chu tunhnu zelah harsatna dang a awm loh nan a a thawktu te a tul anga awka neih pui turin an ngen .
Ex-Servicemen te pawhin hmuin an harsatna hrang hrang te an thlen a, Circuit House chhungah zah lantir nan an au thup thup a ni(Ha ha).
BCM Gen.Secy leh Divisional Commander,The salvation Army te pawhin sawm an nih angin an hmu a, Kohhran hruaitu te hian India ramah Christian te chu Minority an nih dan te sawiin harsatna awm thei lakah beng lo chhitpui turin an sawm a, Larsap pawhin Lunglei a lo kal leh hunah BCM hmunpui tlawh a duh thu leh Kohhran hruaitu tam zawk te nen in kawm a duhthu a sawi.
Khuain a zirloh avangin programme duan sa ang diak diakin hun hman theih a ni lova, by Road in Aizawl a pan leh nghal a ni. – (Thanghmingliana Renthlei)