ZOEN 8 August 2025 : Mizoram puala a hmasa ber ni turin Standard Treatment Guidelines (STG) 2025 chu Health Minister Pi Lalrinpuii`n vawiin khan a tlangzarh.
Standard Treatment Guidelines STG bu (Natna chi hrang hrang 248 nihphung leh enkawlna awmna bu) tlangzarhna ah hian Pi Lalrinpuii chuan “hetiang thil ropui leh tha India ram-ah pawh State nazawngin anmahni puala an neih theih loh a vawi khatna atan Mizoram in kan nei thei hi ropui ani” tiin, Mizoram hmun kilkhawr ber thlenga natna hriat leh enkawlna kawnga kan Doctor te leh hriselna lama thawktu ten tangkai taka an hman ngei a beisei thu a sawi bawkin a buatsaih kawnga hmalatute State Health Team te, Core Committee leh Expert Team te chungah lawmthu a sawi bawk.
He Standard Treatment Guidelines Edition hmasa berah hian natna hrang hrang 248 nihphung leh enkawl dan awmin Specialist hrang hrang ten India mai nilo khawvel huapa mithiamte siam atanga kan State mil leh mamawh tur ang bera an duan a ni a. A bu a siam anih mai bakah hian Web- version, online atanga en zung zung theih tura duan a ni bawk.
Expert team-ah hian Member 19 awmin Zoram Medical College & Hospital atangin experts 13, Civil Hospital Aizawl atangin experts 3, Kulikawn Sub-District Hospital atangin expert 1, Directorate of Hospital and Medical Education leh Mizoram State Health Care Society atangin Expert 1 ve ve an tel a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni