Airport AAI kuta hlanna tur bawhzuina tak tak a la awm lo

Lengpui Airport Forum ten Airport tha Mizoram in a neih theihna tura Union Home Minister Pu Amit Shah-in intiamkama a neihte umzui a hmala nghal turin sorkar an ngen tih vawiina an thuchhuahah an tarlang .
Vawiin an thuchhuahah chuan Lengpui Airport Forum chuan RTI hmanga an zawhna Mizoram Sawrkar GAD-Aviation Wing in a chhanna atangin Lengpui Airport tihchangtlunna tura AAI kuta hlanna tur bawhzuina tak tak a la awm lo tih hriat a ni tih sawiin Lengpui Airport tha, changtlung leh him neih thuai anih theih nan Sawrkarin hma la thuai se an ti a, Pu Amit Shah-a hun tiam ral hma thla hnih vel chauh awm tawh chu a liam hma ngeiin Chief Minister leh a kaihhruai Sawrkar hian ti hlawhtling ngei se an ti a ni.