GST 2.0 Karleh hian hman tan a ni dawn

ZOEN 18th Sept. 2025 : Goods and Services Tax, GST 2.0 chu Karleh Thawhtanni atangin a taka hman tan tura tih a ni.
He GST lak dan thar hi a nih dan tura kalpui a nih theih nan leh hlawkna an tel ve theih nan mipui nawlpui leh Mizoram ukil te pawhin an hriatna an tih zau ve a tul tih mithiamten an sawi.
Prime Minister Narendra Modia’n kumin Independence Day lawmnah GST chhuan thar hman a nih tur thu a puang a. Hei hi tun thla ni 3 a GST Council thukhawm chuan a taka rawn ti puitlingin chhiah lak dan chhawng li ni thin chu chhawng hnihah titlemin awlsam zawkin a rawn siam danglam a. GST zaa 5, 12, 18 leh 28 a lak thin chu zaa 5 leh 18 ah tihhniam a ni a. Mi naran leh mi nawlpuite tana hlawkna thlen thei tur berin he GST hi siamrem a ni.
GST tharah hian rooftop solar system man te, solar pump mante a tlawm dawn bakah green energy siam kawngah hmasawnna a thlen dawn a ni. Garakhpur-a khawsa Naveen Tripathi chuan GST thar chuan mi naran tan awlsamna a pe dawn tih sawiin ramchhunga energy sector lamin hma a sawn phah ang a ti. ‘