ZOEN 13th Sept. 2025 : Political Party pathum- ZPM, MNF leh BJP Mizoram chuan thuchhuah intawm siamin, Sairang-Bairabi Railway Line Prime Minister Narendra Modi-an a hawn tur chu Mizoram chanchina bung thar kaina tur a ni an ti a, Ramchhung hmun dang nena rel in a thlunzawm chuan Mizoram thanzelna turah kawng hrang hrangin a pui dawn a ni an ti.
Mipui tan pawh hna hmuhna tur anih dawn bakah, zin veivah a awlsamin nasa takin a tlawm zawk dawn an ti a, sumdawnna kawng pawh zau tak a inhawng dawn a ni an ti.
He hmalakna chhinchhiahtlak tak a taka chantirtu Central sorkar, state sorkar leh relkawng phah hna thawktu te fakawm an tih thu hi ziahlanin awm ngei se an duh tih an sawi a, he hun chhinchhiahtlak tak hi Mizo mipuite ta a ni a, mipuite inhawnna, puihna leh phurna hian he hun hi a thlen a ni a ti.
State hmasawnna relin a lo thlen tur hi Party pathum te chuan inlungrual takin an lo hmuak a ni tih an thuchhuahah chuan an tarlang bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni