Sorkar laipui Chhiah thar bithliah avangin State Sorkar chhiah lakkhawm a tlakhniam phah rin a ni

ZOEN 5th Sept. 2025 : Sorkar laipuiin GST chhiah thar a bithliah chuan Mizoram state chhungah mipui tan thu lawmawm a nih laiin state sorkar in chhiah a lakkhawm a tlakhniam loh na tur dap a ngai thung niin mithiam ten an sawi.
Professor Dr James LT Thanga chuan GST Reform 2.0 hman a nih hunah chuan Mizoram sorkar chuan a tuar dawn a ni, a ti a. Mizoram in GST a lakkhawm atangin cheng vbc 90-200 inkar bawr vel a hloh a rinawm a, hemi zat han tur hian Mizoram dinhmun a tha tawk lo a ni a ti.
Tunhnaiah GST lakluh a tlakhniam chhan Assembly Subject Coomittee in a a sawi dan chuan Departmental work a GST awmlo chu a ni a ti a, hei hi siamthat ni rawh se tih a ni. Departmental work hnuaia Contract ah hian GST zaa 18 lak a ni a, hei hi nasa taka sorkarin a umzui a ngai dawn ni a an hmuh thu Dr James-a chuan a sawi a, bungrua atanga sumdawng leh midangten GST an pek leh central atanga state in a hmuh chu a tla dawk dawn a, hei vang hian state sorkar chu a inrin hle a ngai dawn a ni a ti. State sorkarin a tih theih dang pakhat chu, GST lakna tur huang zauh a nih thu a sawi bawk a, A bikin Aizawl bazar hmun lian deuhah te foreign siamchhuah, thawmhnaw te, electronic lam thil te leh thildang tam tak, tunhmaa chhiah lak ngai lohna ah te chhiah a lak theih dan ngaihtuah a theih a, chhiah khawnna tur huang zauh ngei a ngai ang a ti a ni.


Financial & Political Analyst Pu Lalhunliana Ralte chuan Mizoramah GST registration nei ve ngei tur ten an nei lo tih sawiin, heng mi te hi zawnchhuah a, khawrh chhuah kawngah state sorkarin tan a khawh ve tlat a ngai a ni a ti bawk.


Mizoram chu thil siamchhuak lo, a leitu leh lalut ringawttu zawk-consumer state a nih angin, GST pek that a ngai dawn hle a, supplier leh works contractor lam in an pek that loh chuan, chhiah lakkhawm ah hmasawnna lam pan a harsat dawn thu State Taxation Official te chuan an sawi bawk a ni