ZOEN 4th Sept 2025 : Mizoram State Legislative Assembly-in Mizorama hman tura Forest Conservation (Amendment) Act 2023 a pawm (adopt) chu Zofate pawi sawina lian tak leh harsatna nasa tak thlen thei a nih thu Zo Re-Unification Organisation (ZORO) hruaitute chuan an sawi a, Special Assembly koa ngaihtuah ṭha leh tura sorkar ngenin, sorkarin a ngaihtuah ṭha lo a nih chuan a tawp thlenga hmalak an tum thu an sawi.
Vawiin thuthar thehdarhtute an kawmna ah ZORO Vice President Pu L. Ramdinliana Renthlei chuan, FCAA hi Supreme Court pawhin a ngaihtuah lai mek a ni a, Court pawhin thuthlukna a la siam theih loh lai leh line of control pawh an la sawifiah theih loh laia Mizoram sorkarin a lo pawm ngawt hi a fel lo hle a, ṭhangthar lo awm zel turte hmakhua a tichhe thei dawn a, he thil hi Zofate pawi sawina lian tak a ni, a ti.
Pu L. Ramdinliana Renthlei chuan Mizoram leh hnam tan a him lo nia an hriat avangin Forest Conservation (Amendment) Act, 2023 chu an pawm theilo a ti a, Mizoram Sorkar chuan Central beng a thlen hma ngeia ngaihtuah ṭha leh se an duh thu leh, a ṭul anga Special Assembly pawh koa ennawn leh turin Mizoram Sorkar an ngen a, Mizoram Sorkarin a ngaihtuah ṭha lo a níh chuan ZORO chuan a tawp thlengin hma a la zel dawn tih a sawi bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni