BSF GD Constable mi 300 lakna tur kalpui mek a ni

ZOEN 2nd Sept. 2025 : BSF GD Constable mi 300 lakna kal mekah Lunglei Centre Lena stadium ah nimin (Thawhlehni) khan mi 136 in application form an thehlut a, vawiinah mi 87 in an thehlut leh.

Recruitment Rally hi Lena Stadium ah September 18, 2025 thleng neih a ni dawn a. Sorkar chawlh leh Sunday tihlohah chuan nitin zing dar 7 atangin an inhawng a, form thehluh theih niin tlai dar 3 ah gate khar thin a ni a. Gate khar hnu hian stadium ah luh phal a ni tawh lo.

BSF GD Constable lakna kalpui mekah hian 2.8.1997 leh 2.8.2007 inkara piang pawl 10 pass chin tan dil theih a ni a. Diltur te chuan HSLC Marksheet, Voter ID, Aadhaar Card, Tribal Certificate, Residential Certificate, Passport Size Copy 2 te kengin Lena Stadiumah kal mai tur a ni. (Form a in fill up sak theih loh. Mahni ngei kal tur) – Gilbert Renthlei