ZOEN 3rd Sept. 2025 : Mizoram Pradesh Congress Committee (MPCC) Treasurer Dr Lalmalsawma Nghaka chuan, India ram state thenkhata vote dik lo tam lutuk chu ramchhung hmun hrang hrangah Congress party ten duh lohna an lantir mek a ti a, naktuk chhun dar 12 hian anni pawhin Transport department Directorate kawtah lungawi lohna lantir an tum a ti.
MPCC Treasurer Dr Lalmalsawma Ngaka chuan vawiin khan thuthar thehdarhtute kawmin tunlaia India ram politics titi lian ber chu Vote Chori (Vote rûk) chungchang a ni a ti a, He vote ruk chungchang hi Pu Rahul Gandhi chuan Media hma-ah presentation nen thla hlui ni 7 khan a rawn puangchhuak a, August ni 13 khan BJP hruaitu Anurag Thakur khan vote nuai 2, sing 9, sang 9 rinhlelhawm a awm thu a sawi bawk. Thil diklo a awm nia an rinhlelhna a rei tawh a, mahse a diklohna lai an hre mai thei lo va. Rahul Gandhi leh a team ten thla ruk chhung an chhuichian hnu ah thil diklo tamtak an hmuchhuak ta a ni, a ti.
Thil rinhlelhawm tak tak Pu Rahul Gandhi-a’n a tarlan zingah voters an address zawnchhuah ngaihna awm lo te, in khata voter 80 awmna te, room khata vote tam tak awmnate a awm thu Pu Lalmalsawma chuan a sawiin, India ram hi Democracy ram a nih angin khua leh tui ten an mi duh an vote thei tih sawiin, BJP hian Election Commission hi a thunun hle niin opposition party te chuan an ngaih thu leh, tunah hian Bihar Assembly inthlan neih turah Electoral Roll Special Intensive Revision neih mek niin, hetah pawh hian thil diklo tam tak hmuhchhuah a nih thu a sawi.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni