Pawisa lem cheng nuai 3 Lungleiah man a ni

ZOEN 3rd Sept. 2025 : Vawiin khan DSB Lunglei leh 20 Assam Rifle te tangkawp chuan Lunglei Rahsiveng thlanmual No II bulah Jerry Lalrammawia(51), Serchhip AOC Veng, tuna Lunglei a Sorkar hnathawk a awm mek Motor atangin pawisa lem Cheng nuai thum (500 note hlir, paruk) an man. DSB leh 20 Assam Rifle te hian an thudawn bawhzuiin Rahsiveng thlanmual No-II ah hian an kal a, Jerry-a hi a Car MZ-01 G-6979-ah lo awmin man a ni ta a ni. Jerry Lalrammawia hnen atang hian pawisa lem bakah a motor leh Mobile Phone an mansak a, thuzawhfiah atan Police ten an kawl nghal a ni. Jerry-a hian pawisa lem hi drugs zuar te hnen atanga drugs man chhuah nana hman a tum tih Police te hmaah a sawi a, police te hian an chhuizui mek a ni.