Larsap chuan Tour a hlawhtlin theih nana MHA, BSF leh buaipui dangte hmalakna fakawm a tih thu a sawi a. India ram chu ram zau tak, hnam ziarang, tawng bakah mi hrang hrang awmna ni mahse, ram inpumkhat leh inlungrual tak anni tih sawiin Bharat Darshan Tour-a kal tur zirlaite chu zirlaibu a chuang chiah lo thil tam tak an zir tel dawn avangin uluk taka ngaihvena thil thar zir chhuah tum tlat tur leh, Mizoram tana hmasawn thil tha engemaw tal rawn hawn theuh tum turin a chah a. Zawhna leh hriat duh an neihte inthlahrung hauh lova zawt zel tur leh hun tha an neih chu bawhpelh lova, hmasawn nana hman tuma theihtawp chhuah turin a chah a ni.
Hemi puala hun tawi hmanah hian Pu Ahsan Sahedi, DIG (G), Frontier HQ BSF, Silchar chuan report tlangpui pein, BSF chuan ramri venhim mai bakah ram inpumkhat nana hma an lak thin thu a sawi a. Ramri depa awmte tan Bharat Darshan Tour buatsaih thin a nih thu sawiin, hemi tur hian Ministry of Home Affairs-in BSF te chu kumin hian Mizoram zirlaite tana Bharat Darshan Tour buatsaih tura a rawn ruat thu leh hei hi BSF anga Mizorama Bharat Darshan Tour an buatsaih hmasak ber a nih thu a sawi a. Hetiang programme tha tak hi chhunzawma, district zawng zawng huam tir a nih ngei a beisei thu a sawi a ni.
Tun tum Bharat Darshan Tour atan hian District pali- Aizawl, Lunglei, Mamit leh Saitual District-a School 8 a zirlai 100 leh zirtirtu 8 te thlan chhuah an ni a. Ni 6 chhung September ni 3 atang ni 8 thleng awh tur niin, Delhi-a hmunhma pawimawh tak takte, hmun hlui pawimawhte leh Sawrkar pisa bakah Museum an tlawh a, India ram chanchin, hmunhma pawimawh, hmasawnna, khawtlang leh hnam ziarang hrang hrangte leh Sawrkar inrelbawlnate Bharat Darshan Tour kaltlang hian zirtir tum an ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni