ZOEN 3rd Sept. 2025 : MNF Party chuan vawiin khan Dampa bial bye election neih tura an candidate tur puanna hun neiin MNF President Pu Zoramthanga chuan Party chhung inkhawmah Dampa Bial by-election a an candidate tur atan Sr Vice President Dr R. Lalthangliana a nih thu a puang a ni.
Dr R. Lalthangliana hi MLA inthlan hnuhnung ber khan South Tuipui Bialah hian MNF ticket-in a ding a, ZPM Candidate Pu Jeje Lalpekhlua a hneh zo lo a ni.
Hetih lai hian Congress party chuan Dampa biala ding tur an candidate an puang thuai dawn niin an sawi a, Mizoram BJP hotute hnen atanga thu dawn danin Dampa bial bye election neih tura an party candidate tur nomination committee chu an thukhawm tawh a, an party candidate an tihfel hunah Prime Minister puantir an tum a, party dang nena thawhho tumna erawh an ngaihtuahna ah ala awm rihlo tih an sawi bawk.
Hetih lai hian People’s Conference Party chuan Dampa bial bye Election ah candidate neih leh neih loh chungchang an la ngaihtuah loh thu an sawiin, ZPM party chuan August 25 2025 khan Pu Vanlaisailova Dampa bial bye election a ding tur hian an lo ti fel tawh bawk a ni.
Dampa bialtu MLA Pu Lalrintluanga Sailo hi July ni 21 khan a thi a, by-election neih a ngaih avangin inbuatsaihna kalpui chhoh tan niin hmalakna kawng hrang hrangah neih a ni a, Election Commission of India in Dampa bial by-election neih hun tur hi a puang thuai tura rin a ni.
Dampa bial huam chhungah hian Polling Station 41 awmin Voters 20405 an awm a, mipa 10425 niin hmeichhia 9980 an ni. Dampa bial huam chhunga Voter tlemna ber chu Zopui Polling Station niin Voter 38 an awm a, Silsury Polling Station niin Voters 1089 an awm mek a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni