ZOEN 2nd Sept 2025 : Kumin January thlaa Vanbawng leh North Khawlek khaw inkar Thingkhuang Ngaw Pûk chhunga ruhro hmuh chhuahte chu Carbon 14 Dating hmangin kum AD 1260 – 1320 inkara mite an ni tih chhût chhuah a ni.
INTACH Mizoram Chapter hruaitute chuan vawiin khan Aizawl Press Club-ah Thingkhuang Ngaw Pûka ruhro hmuh chhuahte zirchianna chungchang thuthar thehdarhtute an hrilhfiah a, ruhro an hmuhna puk hi Lalthanliana Khawlek in kumin January ni 1 2025 khan hmuchhuakin, pukchhungah hian mihring ruhro, luruh pakua leh mihring taksa bung ruhri hrang hrang bakah bel kehthem engemawzat te a awm a ni. Ruhro hmuh chhuahte hi Beta Analytic Laboratory, Miami, USA- ah thawn niin, result an rawn thawnah ruhrote hi kum AD 1260 – 1320 inkara mite an ni tih tarlan a ni a, tute nge an nih a, eng hnam leh thlahte nge an nih hriat nan hmalak mek a ni bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni