ZOEN 31st August 2025 : Home minister Pu K. Sapdanga chuan August ni 20 thleng khan Mizoramah Myanmar raltlan 33,329 an awm meka chhinchhiah niin a sawi.
He thu hi Assembly fur inkhawma rorellai ZPM MLA Pu VL Zaithanzama zawhna ziaka a chhanna-ah home minister hian a sawi a. Myanmar raitlan chhinchhiah hna (biometric enrolment) thawhna atan hian Central sorkar atangin a hranpa chuan sum hmuh a awm lo niin a sawi a. Raltlan chhinchhiah Mizorama District tinin an thawk tan tawh a. Chinchhiah hna zawh hun tur hi sawi theih a ni rih lo niin Pu K. Sapdanga chuan a sawi. India leh Myanmar inkar ramri chungchang chu Central Sorkar thuneihna a nih thu a sawi a. Central Sorkar hian ramri hungna tur hian State Sorkar leh Border Guarding Force (Assam Rifles) bakah Border Roads Organization te nena inrawn tlangin kalpui dan turah himalak mek a nih thu a sawi bawk a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni