Kan internet lo muanin kan router (ONU/ONT/Wifi Router) te hi reboot a ngai fo thin a, heihi a chhan leh vang hrang hrang a awm thei a ni.
Power problem –
a) Heihi kan router (ONU/ONT/Wifi Router) power supply tu Power adaptor chian loh vang a ni thei.
b) Kan Router power rating ai hniam adaptor voltage emaw ampere emaw kan hman vang a ni thei. Power problem hi kan Router zo ngei tur (Router Power Rating hi router ah a inziak thin) adaptor hman tur a ni. (A tlangpuii ONU/ONT hian DC Input power rating hi 12V, 1.5A)
(Heng 12V power input hoah hian Adaptor Input 90-270V~50Hz. Adaptor Output 12V 2A hi hman theih nise duhthusam a ni.)
Hardware Problem –
a) Heihi kan router brand a zir a ni thei a, Internal Circuit design that tawk loh vang a ni thei a, a tlangpuiin router man tlawm lutukah hardware problem avang hian router reboot zin a ngai thin a ni.
b) Kan router hi a sat lutuk (over heating) avangin kan system hi a stable loh phah thei a ni. Over heating avang hian kan router reboot fo a ngaih phah thei a ni.
(Router hi khuh lo tur a ni. Hmun ualau lai leh thil sa (Ni em theihloh) boruak thawven na laiah dah hian overheat lakah hian a veng thei a ni.)
Software leh Memory Issues
a) Computer ang chiah hian ONU (Router) hian memory a hmang a, software/firmware design thalo ah “memory leak” a siam thei a, chu chuan memory a cache insiam te a clear zung zung theilo thin a, hei hian internet a ti muang thei a, pangngai taka kal leh turin RAM in refresh turin reboot a ngai thin a ni.
b) Sofware Bugs – Sofware/firmware buai thut avangin khawl a nih tur anga program sa kha a function tha theilo thin a, hei hian internet traffic kal tha thei lovin a siam thin a, router reboot ngai nasa tak a siam thei a ni. (Firmware update a pawimawh)
Cable and Connection Problem
a) Fiber Cable or Pathcord ah hian Light hmanga data thawn a nih avangin fiber a lo chhiat (tliak or bung) avang emaw, a tuamtu (leather line) a hlui emaw chhiat tawh avangin internet a electronic Data light (Puse of light) a lehlin(Convert) a nih hnua fiber hmanga inthawn chu fiber tha lo leh a tuamtu thalo khan reflection a lo siam thin a, chu chuan a lo tih buai thin avangin router chu reset chhen a ngaih phah thin a ni.
b) OLT lamah Cable kan vuah vel uluk loh vang leh chian loh avangin ONU hi reboot chhe a ngaih phah thin a ni.
Router (ONU/ONT) Reboot chuan enge a thlen?
a) ONU-a RAM (memory) inhmang nasa lutuk /cache awm nasa lutuk a clear a, hei hian ONU in a hnathawh tur tha takin a thawh tir leh thei a ni.
b) Kan internet server pui ah kan ONU chu a va inthlung tha leh vek, hei hian kan router problem a chunga kan sawi te avanga internet muang leh thin kha a siamtha a ni.
c) Reboot hian Software/firmware in hna a thawh ho kha a bul atangin a tan that tir leh vek thin a, hei hian khawl a hnahthawh tur ang program kha a thawh tha takin a thawh tir leh thin a ni.
More Stories
Online Gaming Act hman tan a ni dawn. Thalaite buaipui pawisa khelhna ang chi khap zingah a tel