ZOEN 21st August 2025 : Vawiin khan Pu David Lalrinawma, Addl. District Magistrate, Lawngtlai chuan Thualthu leh Bualte inkar leimin chungchangah thuchhuah a siam.
Migistrate thuchhuah chuan Thualthu leh Bualte leimin hi fur lai a nih avang leh ruah a sur chhunzawm reng avangin lei hi a khat tawka a min reng thu sawiin, fur ruah tui a hul deuh hma chu leimin hi awm belh thei reng a nih thu tarlangin, helai kawng hi lirtheia zin veivak tan a himloh thu thuchhuah chuan tarlangin, Lawngtlai atanga lirthei hmanga khual zin zawng zawngte emergency thil ah lo chuan helai kawng hi zawh rih lo turin a hriattir a ni.
Hei bakah hian kawng hi laih tlang a nih lai pawhin lung leh lei tla a awm reng avangin thu leh awm hma chu mihring pawh kalkai tum lui lo turin thuchhuah chuan a hriattir a, helai hmuna duty Quick Response Team, Khawtlang hruaitu, VC leh YMA bakah Police te thurawn kalh zawnga passenger in hlanchhawng (Transit) lo turin a hriattir bawk a, zinchhuah ngei ngei ngai te tan Sangau kawng lam zawh turin hriattirna a chhuah bawk a ni.
Enlightener of Mizo
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni