Cashless Treatment Scheme chungchanga Siaha DTO hriattirna tichhuak

Motor Vehicles (Amendment) Act, 2019 bawhzuiin, Ministry of Road Transport and Highways (MoRTH), Government of India kaldan angin, Office of the District Transport Officer, Siaha chuan Cashless Treatment Scheme for Road Accident Victims hi Siaha District-ah a kalpui dawn.

Siaha District Transport Officer, Dr Manesia Khaimeichho chuan a hnuaia tarlan ang hian Lirthei chetsual vanga hliam tuarte tana duan Cashless Treatment Scheme for Road Accident Victims chungchangah Siaha mipuite tan hriattirna a chhuah.

Hemi scheme in-a a tum chu road accidents a hliam tuarte tan, a rang thei ang bera a thlawna inenkawlna tur a tum sak dawn a, accident a thlenin hliam tuarte sum dinhmun leh nihna a thliar lo ang.

He scheme in-a a tum:

He scheme in-a a tum lian ber chu road accident avanga thihna leh silawnna a tlem thei ang bera awm theih nan leh nunna chhanhim nan a ni a, he scheme hian sum lam leh buaina chi hrang hang vanga rikrum thila inenkawlna a tih khawtlai lohna tura buatsaih a ni.

He khawtlang himna tehkhawng hi Siaha District leh a chhehvela kalpui mek a ni.

He scheme in-a a tarlan pawimawh zualpui

1. Road accident-a hliam tuarte tan pawisa tellova inenkawlna (Cashless Treatment).

* Siaha District chhunga road accident hliam tuarte hi sorkar ruat damdawiin-ah a hman theih ang.

* Rikrum thila inenkawlna chi hrang hrang, he scheme hnuaia awmte a huam ang

2. Hliam tuartu emaw a chhungte’n pawisa pek a ngai lo ang.

* Hliam tuarte inenkawlna atana sum hman hi Road Accident Fund atangin a enkawlna damdawiin-ah rulh leh a ni ang.

* He scheme hnuaia inenkawlna man pek lawk a ngai lo ang.Hman theihna

* Mipui zawng zawng – kea kal te, lirthei khalhte, lirtheia chuangte, kawng sira mipui lo awm te, tupawh road traffic vanga hliam tuarte a huam vek ang.

* He scheme hian lirthei neitute emaw insurance emaw accident thlen tute a thliar chuang lo ang.

Siaha District chhunga Sorkar ruat damdawiin te

A hnuaia tarlante hi he scheme hnuaia sorkar ina damdawiin a ruatte an ni a, he mawhphurhna hi pawma, road accident vanga hliam tuarte a thlawna lo enkawl tur a ni.
* District Hospital, Siaha.
* Maraland Gospel Centenary Hospital, Siaha.
A kalphung
1. In hriattir nghal tur.

* Accident hi emergency services (Dial 100 or 102) emaw police station hnai bera hriattir tur.
* Hliam tuarte rang taka sorkar ruat damdawiina kalpui.
2. Hospital Admission.
* Hliam tuarte an lo thlenin damdawiin-a thawk te’n rang taka lo enkawla, inenkawlna manah buai loh tur a ni.
3. Finfiahna leh lehkha ziaka dah that.
* Damdawiina thuneitute, DTO leh police te thawk hoin finfiahna neih a ni ang.
* In enkawina-a pawisa hmante chu scheme fund lamin a buaipui nghal ang.
Damdawiin-te ina tih ngei ngei tur mawhphurhna
* Hliam tuarte a rang thei ang bera pawisa chawi tir lova lo enkawl.
* A tul anga, hliam tuarte leh an inenkawlna ziaka lo dah that.
* District thuneitute nena fund rulh chungchanga thawh ho.
Thupek zawm duhlo emaw hnawla hliam tuarte enkawl duhlo chu khauh takin Motor Vehicles Act leh inenkawlna dan hmanga hmalak a ni ang.
Khawtlang hnena ngenna
The Office of the District Transport Officer, Siaha, chuan district chhunga mipuite ti tura a duhte chu
* Accident a awm thu a rang thei ang bera thehdarh(report) nghal.
* Hliam tuarte damdawiin hnai bera kalpui nghal.
* Nunna chhan theihna atana hma lakna hi a tam thei ang ber hnena hrilhhriat.
A hun taka inenkawlna hian nunna leh thihna thlen theihna a tidanglam thei a ni. He scheme hi lirthei kalkawnga mitinte kan lo him zawkna atan leh rikrum thila inenkawlna rahbi lian tak a ni.
Chiang leh zuala hre duh tan office hour-ah Siaha DTO-a zawhfiah theih a ni e.