ZOEN 12th August 2025 : Mizoram Aam Aadmi Party chuan Mizoram-in sorkar a hrawn tawh zawng zawng te’n vawiin thlenga tuialhthei dahkhawlna (oil depot) mumal an la siam lo chu mak an tih thu an sawi.
Mizoram Aam Aadmi Party chuan thuchhuah siamin, Mizoram chu India ram hmun kilkhawra awm a nih lain, a mamawh em em thinte ngaih pawimawh a ni lo thin chu a thinrim thlak tak zet an tih thu an sawi a. Tuna ZPM kaihhruai sorkar chuan chhuanlam siam lova a rang lama siam vat tur in na takin an ngen a ti.
Mizoram AAP chuan tuialhthei a kaihhlak hlek changa petrol pump zawng zawngte sorkar in a khuahkhirh nghal vat thin chu mipui chanvo rahbehna dik tak a ni an ti a, he thilah pawh hian sorkar hnuaia thuneituten mi pawimawh tak leh vantlang chung a leng ang hiala an awm thin chu khamawm an tih thu an sawi a, Mizo mipuite kalphungthar tiamtu ZPM sorkar chuan hengte hi chhu chat tawh sela, essential service department mamawh bak zawng zawng chu mipui tana semzai thin tawh turin an phut tih an sawi.
Mizoram AAP thuchhuah tarlan danin, Mizoram-ah The Petroleum Act, 1934 leh The Petroleum Rules, 2002 kenkawh a ni lo hle a, mipui mimir tan a tuialhthei lei tur a awm loh laia man to zawk a lei tur a awm reng si chu mak an tiin, tun hnuah ZPM sorkar chuan mipui mimir tan tuialhthei an semzai thei dawn lo a nih rau rau chuan mipuite banphaka awmchhun phalna nei lova zuar ho zawng zawngte chu tuialhthei zawrh chhuah phalna pe vek tura an phut law law thu an tarlang tel bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni