ZOEN 11th August 2025 : Vawiin khan Chief Minister Pu Lalduhoma chuan a office-ah UD & PA official pawimawhte kawmin, Thenzawl Peace City Master Plan siamtu tur zawnna kalpui meka an thlen chinte a sawipui. Chief Minister hi Pu Vanlaldina Fanai, Commissioner & Secretary to CM in a tawiawm.
Pu Lalmalsawma Pachuau, Secretary, UD & PA chuan, thla liam ta July ni 22 a Master Plan siamtu tur zawnna hmahruai Request for Proposal for selection of Consultant an tihchhuah thu leh company lian tak tak sawm leh pariatten an rawn ngaihven thu a tarlang a. Heng Pre Bid Queries rawn nei zingah hian khawvel huapa company thate pawh an tel thu a tarlang a, ruahman anga thil a kal chuan tun September thla tir hian a thawktu tur thlanna hi neih fel hman tum a nih thu sawiin, October thla atangin hna an tan ang a, tun sorkar kum chhungin Master Plan pawimawh zual chu peih fel hman an tum thu a sawi bawk a ni.
Mipui nuaih 10 vel chen theihna tur khawpui changkang (Modern sustainable, inclusive & planned city), Thenzawl Peace City din tumin sawrkar chuan hma a la mek a. Ministry of Housing & Urban Affaira (MoHUA) chuan Master Plan siamna tur Rs. 10 crore a rawn pe tawh a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni