Mizoram Pradesh Congress Committee chuan ZPM in BJP a zawm tan niin a lang a ti

Mizoram Pradesh Congress Committee chuan enchhin sawrkar ZPM in BJP a zawm tan niin a lang a ti.
Vawiina Congress Bhavan-a MPCC Political session ah MPCC President Pu Lal Thanzara chuan thusawiin August ni 7 khan NDA, BJP leh a thawhpuite chuan meeting an nei a, hemi tum hian Lok Sabha MP Richard Lalhmangaiha chu a tel ve a, ZPM hian kum 2023 Assembly inthlanah BJP sum an hmang nasa nia sawi a awm a, Lok Sabha Speaker thlanah pawh BJP an lo vote tawh bawk a, enchhin sawrkar hian BJP a zawm tan niin a lang a ti .

MPCC President chuan ZPM sawrkar chu ICU ah Ventilator hmangin a nung che che a, hemi chhanchhuak tur hian mipui ten MNF party an beisei lo a, Congress party an beisei mek a, a chhan chu an hruatuiten an thutiam an hlen thin vang a ni, a ti.
ZPM sawrkar chuNatna khirh tak pathum an vei mek ah puhin, Sum puk natna te, Kawng chhia natna te, Sum lengvak tlem leh ruihhlo a hluar a, khawtlang nun tlahniam nasa lutuk te a ni a. ZPM vote tu tamtak te hi an beidawng tawh em em a ni, a ti.