ZOEN 10th Sept. 2025 : Mizoram chhung bikah kum 2006 atanga vawiin thlengin RTI act hmanga zawhna 43412 thehluh a ni tawh.
Mizoram Information Commission-in a chhinchhiah danin, kumin sorkar kumthar ni, April ni 1 atanga RTI act hmanga zawhna an dawn tawh chu 3162 a tling tawh a, Right to Information Act hmanga zawhna lut, sorkar lam atanga a chhanna duhkawp loh avanga zualko pawh kum 2006 atanga chhiarin mi 730 an awm tawhin, heng an zualkona atanga chhanna an hmuh duhkawp loh avanga zualko nawn leh mi 197 an awm tawh bawk a ni.
Mizoram Information Commission chhinchhiah danin Financial Year kalta chhung khan zawhna lut 7394 a awm a, hei hi RTI act hman tan a nih atanga zawhna luh tam ber kum a nih thu leh kum 2006 atanga chhut a kumin Financial Year tawp thlenga RTI act hmanga complain lut chhinchhiah zat chu 160 a nih thu Mizoram Information commission hotute chuan an sawi bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni