ZOEN 10th Sept. 2025 : Vawiin khan Indian National Congress party chuan Dampa Bial MLA by-election lo awm tura an party candidate puanna hun neiin, Pu Lal Thanzara ,MPCC President chuan candidate atan Pu John Rotluangliana MPCC Vice President a ni tih a puang.
Kumin July ni 21-a Dampa bialtu MLA Pu Lalrintluanga Sailo a thih avangin Dampa Bialah hian by-election nei turin inbuatsaihna kalpui chhoh tan mek a ni a, Election Commission of India in Dampa bial by-election neih hun tur hi a puang thuai tura rin a ni.
ZPM Party chuan August ni 25 khan an party candidate tur atan Pu Vanlalsailova an ruat thu an sawi tawh a, MNF chuan September ni 3 khan Party chhung inkhawmah Dampa Bial by-election a an candidate tur atan Sr Vice President Dr R. Lalthangliana a nih thu an lo puang tawh bawk a, Mizoram BJP pawhin candidate an neih ngei tur thu an sawi bawk a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni