ZOEN 5th Sept. 2025 : Aizawl Maubawk venga Pi Rûnliani kum 80 mi thattua puh Vanlalmuanchhana kum 21 chu nimin khan court-ah hruai a ni a; Maubawk venga tlawmngai pawl hrang hrangte chu court tualah pungkhawmin, tualthattu chu a phu tawk hremna pek ngei an phut thu an tarlang.
Maubawk veng NGO hrang hrangte hian tualthattu an demna thuziak hrang hrang an keng a, tualthattu chu a phû tâwk hremna pe ngei turin court an ngen tih Maubawk Branch MHIP President Pi Zodinmawiin a sawi.
Pi Runliani hi a fanu leh a tupa nena khawsa an ni a, an in chhungah eichawp dawr an nei a. Thla hlui ni 19 khan an dawra thil lei tur pakhat in chhun dar 12:30 velah thiin a hmu a, a hrawkah chema zaina hnûhma a awm a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni