ZOEN 29th August 2025 : Nimin 28.8.2025, zan 7:20pm bawr vel khan 909- Forward, MZ-O2C2306 chu Lopu (Lungpuk) Siaha District atanga rawn haw lam chu Theiri, Siaha District khaw bulah an chesual a, an chesualna hmunah he motor khalhtu Pu Khawpuimawia hi a boral nghal a ni.
Pu Khawpuimawia hi Leite Lunglei district khua mi niin tunah hian Lunglei Ramthar vengah an khawsa mek a, vanduaina an tawhna hmun hi Theiri leh Tipa inkar, Theiri khaw thlen hma niin, he motor ah hian mi pahnih chuangin Pu Khawpuimawia hian a nunna a chan a ni.
Theiri khawtlang mipuite hian accident thleng an hriat velah hian vanduaina tawkte hi an buaipui nghal vat a, a hnu rei loteah Lunglei lam motor pakhat a rawn thleng ve leh nghal a, he mite hnen atang hian lirthei chesual hi Lunglei motor a ni tih hriat zui a ni.
Motor chetsual chhan hi chiang taka hriat a la nilo a, Motor chetsualna hmunah hian mobile-3 bakah bag- a hmeichhe thawmhnaw te a awm avangin mi pathum-3 chuang an nih an ring a, mahse an hnunga motor rawn zuitu ten he Motor-ah hian mi pahnih an chuan thu an hrilh tak avang leh Vanduaina tawk zingah dam Pu R.Vanhnuna, Lunglei Ramthar nupui hnen atangin Pu Vanhnuna hian mobile pahnih-2 a kawl thu an dawn tak avangin zawn hna an chawlhsan ta a ni.
He motor Accident a chuang ve hliam tuar Pu R Vanhnuna hi Tipa PHC (Damdawi in) lamah tlanpui nghal a ni a, Pu Vana hian a lu ah hliam tuarin thuisak a ni a, a hnar atanga thi chhuak pawh ziah lam apan mek thu dawn a ni bawk.
Driver Khawpuimawia ruang ni zan khan Theiri Hall ah tlaivarpui a nih hnu in, vawiin ah Tipa Damdawiin ah postmortem a nih hnu ah Lunglei panpui a ni ang. He motor hi Myanmar lam a bungraw dah hawng lam a ni a, an chetsual lai hian ruahsur in chhum nasa tak a zing nia hriat a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni